Ang New York ay Isang Isla

Sa Martes ay graduation ng aking klase. Pagtatapos ng taon sa kindergarten na puno ng pagsubok, pakikipag- away sa akin at tagumpay na ang pula ay hindi berde. Sampung buwan kong inalagaan ang mga uhugin, makukulit at kadalasan ay nagpapatawa sa akin. Ipinagmamalaki ko sila sapagkat sa kabila ng kanilang kakulangan, nagkaroon sila ng lakas ng loob na matuto at maniwala na maganda –pa rin ang buhay. May mga araw na lumuluha na sila dahil napaka- strikto ni Ms. T at karamihan naman ay ayaw na nilang umuwi. Habang nag- eensayo para sa presentasyon, naiiyak ako sa kagalakan habang nakikita ko silang umaakyat ng entablado. Habang kinakanta nila ang "Because I’m Big" gusto ko silang yakapin na parang nanay na kailangang tanggapin na lumalaki at ngayon ay magtatapos na. Bilang isang guro, mas importante sa akin ang makitang grumaduate ang aking mga estudyante. Katwiran pa ay mas masaya ako kumpara nung nagtapos ako mula sa graduate school. Sa araw ng pagtatapos, nakahanda na ang aking damit, sapatos at pabango upang maging saksi sa tagumpay ng aking klase. Sa auditorium man nila tatanggapin ang kanilang mg diploma, sa aking paniniwala ko ay daig pa nila ang graduates mula sa Ivy League.

Ang mga huling habilin ko sa kanila ay ang mga sumusunod

The person who says those words to you is the same person who is like that. Example, kapag sinabihan ka ng estupido, ang taong iyon ay sobrang baba ng IQ.
Always wash your hands before and after you eat, after you use the bathroom. And utang na loob, gumamit ng paper towel at huwag magpagpag na parang ulan.
Kaya mo yan!!! Subukan mo muna kahit first step lang tapos aaalalayan kita. Dahil sa kakulitan ko, natuto na rin silang magsuot ng straw sa kanilang juice, mag- button ng kanilang shirt at ang ultimate tying of shoe laces.
Tandaan lagi ang unang letra ng iyong pangalan. Kapag natandaan mo na ito, carry na lang ang buong alpabeto.
"The more you ask, the more you won’t receive" Mahalaga ito para matuto sila ng halaga ng pasensya at huwag kulit kulitin si Ms. T.
Put up your book bag then put your homework on my table……nicely. Ikaw ang gumawa ng takdang aralin at huwag si mommy o si kuya.
Share whatever you can.
If someone hits you, stop and tell the person to "Leave me alone." Kapag sinapak ka ulit, tawagin ang guro at kung isa pa, may pahintulot na akong upakan mo siya within 5 seconds. Sa ganitong pagkakataon, takot na ang dalawang partido na mag boxing sa harapan ko.
Laging please at thank you. Angat ka kapag may manners ka
Hindi mo kailangang maging brat, bully o ghetto para sumikat

Isang taon na naman ang lumipas at dalawang buwan akong magpapahinga. Maaaring mag part time ako sa Gap o Barnes and Noble para sa ekstrang kita. Sa aking klase ng taong 2006- 2007, lubos na pagbati sa inyong pagtatapos at sa bagong simula ng inyong paglalakbay.