Ako ay Filipino.

Purong purong lahi mula sa aking kulay hanggang sa aking ilong. Pilipino ang aking wika na aking kinagisnan, Ang wika ko ay nahati sa dalawa; tagalog at ilokano. Magaling akong magsalita ng tagalog pero kaunting salita sa ilokano ang aking naiintindihan. Sisihin niyo ang aking nanay na ipinagbadya na matuto akong magsalita ng wika ng aking tatay. Ang paniniwala niya ay tulad ng mga Filipino noon, kanya kanyang probinsiya ata para raw hindi tumigas ang aking dila. Noong nagkaroon ako ng trabaho sa Norte ng Luzon, gusto kong sakalin ang dakila kong ina sapagkat nagmukha akong tanga sapagkat hindi ko alam ang makipag- usap sa aking mga estudyante at katrabaho. Ang katwiran ko na lamang ay magaling naman akong magsalita ng ingles. Kayang kayang ko pang gayahin ang mga twang at accent. Ito na ang naging agimat ko, ang pag- bukod ko gamit ang wikang hindi naman sa akin. Naging mangmang ako sa sarili kong bayan. Mali naman ang aking ipinagmamalaki.

Ako ay Filipino.

Isang estranghero sa isang bansang may libo libong wika. Araw araw ay gamit ko ang wikang ingles upang makapagturo sa klase, makapagreklamo kapag nilalait sa trabaho at mag- ingay kapag ginigitgit sa tren. Ang aking dila ay hasang hasa na ngunit uhaw na uhaw naman ito. Ito ay matinding uhaw na puwede lamang maibsan ng pagsasalita ng wikang Pilipino. Tuwing may nasasalubong akong kapwa Filipino, titigil ako upang kamustahin siya. Sa lahat rin ng pagkakataon, ang kababayan ko ay hihinto rin upang tanungin kung ilang taon na akong naging malayo sa Pilipinas. Ang maintindihan ka nang tuluyan gamit ang wikang Pilipino ay nagdudulot sa akin ng pakiramdam ng paglapag ng eroplano sa NAIA. Nakakauwi na ako sa ating bayan kahit sandali lamang. Ang espesyal pang kaganapan ay nagkakaintindihan kahit na iba ang wika. Ilokano man o Ilonggo ay naiintindihan ko. Tanungin man ako sa kapangpangan, sasagutin ko naman sa Tagalog. Pareho kaming magpapaalam nang masaya ng aking kausap. Kasiyahan na nagbibigay lakas na naman upang kumayod ng buong linggo. Ipinagmamalaki ko ang wikang Pilipino sa iba’t ibang anyo nito.

Ako ay Filipino.

Mahilig akong magkaroon ng mga bagong kaibigan. Natuklasan ko at tuluyang ibinenta ko ang ang aking kaluluwa sa Internet. Nagkaroon ako ng pinto na madali kong buksan kung kailangan ko ng bagong impormasyon, balita na nagaganap sa ekonomiya ng bansa at siyempre ang manood ng mga nakaligtaang Pinoy telenovela sa Youtube. Higit sa lahat ay tulay ko ito upang panatiliin ang relasyon ko sa aking kapwa Filipino. Libo libong milya man ang nasa pagitan ko at ng aking mga kausap, hindi ito hadlang. Ang Internet ang aming malaking telepono na kapag sinagot mo, kalahati ng bansa ay naaalerto. Ngayon ko nauunawaan ang napakaraming posibilidad na naibibigay ng internet. Isang pangangailangan ng tao ay ang magkaroon ng boses at mapakinggan. Hindi ito maitatatwa ng sinuman. Binigyan ng kalayaan lalo na ang bagong henerasyon na dumiskubre sa mga nagaganap sa labas ng bansa. Mula sa paggamit ng world wide web, nagkaroon ng daan upang ang mga Filipino na ipahiwatig ang kanilang opinyon, adhikain at kahit na ipakita ang lakas ng loob na kumanta sa webcam kahit na boses yero. Ang mga Filipino ay parte na ng global na komunidad. Wala nang "Ilokano ka, ako Bisaya,. Hindi tayo pwede maging ka- berks." Ang Internet ang malaking suntok na tumibag sa mga partido base sa iba ibang wika ng ating bansa. Ang mga Filipino ay may lakas na ng loob na lumabas na kahon ng "kanya kanya mentality." Sa patuloy na paglaki ng bilang ng mga Filipino bloggers, pruweba na ito na mas lalong lumawak ang kaalaman ang aking mga kababayan. Ang pagsusulat sa anyo ng blogging ay naging parte na ng buhay ng mga Filipino. Tayo ay isang nasyon na may malaking hangad na umunlad. Bawat isa sa atin ay mulat sa katotohanan na tayo ay may responsibiladad na maging Darna at Captain Barbel upang sumulong ang ating bansa mula sa kahirapan. Tuwing binabasa ko ang mga blogs ng aking mga kababayan, gusto kong tumambling sa tuwa. Kung puwede pa ay tatalon ako at sisisid na parang sirena dahil sa pinagmamalaki kong ako ay Pinoy.

Ako ay Filipino.

Mahigit isang taon na akong may website kung saan ako ay may blogs at vlogs. Marami akong kaibigan na New Yorkers na nagtatanong kung ano ang dahilan na pinili kong gamitin ang wikang Pilipino sa aking pagsusulat. Ang katwiran nila ay nililimitahan ko ang mga pwede kong mabiktima na mga mambabasa. Subalit matigas ang aking ulo. Ang sagot ko ay "I chose to write in my language because I want to immerse myself in a culture that I took for granted when I was in the Philippines. It is my way of redemption by reaching out to my fellowmen and being truly proud that I am a Filipino." Nagulat sila sa aking pang Ms. Universe pageant na sagot ngunit naintindihan nila. May mga isinulat ako sa wikang ingles pero mas nagkaroon ng mas malaking reaksyon ang mga mambabasa ko tuwing gamit ko ang wikang Pilipino. Sa ngayon, ang aking mga kaibigan ay patuloy na nag- aaral ng Pilipino upang maintindihan nila ang "humor" ng aking pagsusulat. Patuloy pa rin ang aking magsusulat hindi para sa dagdag na powers ng pagiging isang Overseas Filipino Worker pero mas matimbang na rason ang aking paniniwala.. Ang paniniwala ko na gamitin nang responsable ang Internet upang maiparating sa iba ko pang kababayan na ang mundo ay mabubuksan sa pamamagitan ng pagpindot sa isang daga. Sa bawat "click", ang mga ipinamanang mga wika sa atin ay nagiging parte ng mundo ng Internet. Sa madaling salita, lahat tayo ay bahagi ng buong katauhan.

PinoyBlogoSphere.com | Pinoy Bloggers Society (PBS)
presents
Wika2007 Blog Writing Contest
Theme: "Maraming Wika, Matatag na Bansa"

Sponsored by:
Ang Tinig ng Bagong Salinlahi
Sumali na sa DigitalFilipino.com Club
Sheero Media Solutions - Web Design and Development
Yehey.com - Pinoy to p're
The Manila Bulletin Online
WikiPilipinas: The free ‘n hip Philippine Encyclopedia

Watch the not so candid interview of Filteany on www.youtube.com/filteany

 Watch out for the surprises on this vlog

 http://www.youtube.com/watch?v=SwQ0ILKrHT4

 Enjoy Viewing, rank, comment and subscribe to youtube.com/filteany

 **Check out Filteany "Bloopers Galore" too.

 Thank you so much
 Filteany

 visit www.karitoon.com

Hello Everyone

FIlteany has her personal tagboard which you can use to post your messages, promote your site and shoutouts. I strongly discourage malicious, ridiculous and obscene messages.

Enjoy Posting!

http://filteany.cbox.ws/

Saan sa kalawakan nakakahanap ng isususulat si filteany?

Hindi ako mahilig mag- star gazing o maging presidente ng fan’s club ni Piolo Pascual. Hindi ako sumasailalim sa hynopsis upang ma- open ang aking ika-8 mata at hindi rin kinakailangang sumusob sa dagat para maki-chika kay Marina at Ariel. Simple lang akong manunulat. Walang pahinga ang aking utak sa kakaisip. Lahat na ng pwedeng isipin mula sa okey ba kung si Hillary Clinton for next US President hanggang ilang pulgada ng damit bago ko ito dalhin sa laundrymat. May mga pagkakataon din na wala akong maisulat. Ang pakiramdam ay ihalintulad sa lalaking nawalan ng bayag, babaeng hindi madilig- diligan at puro Care Bears ang naiisip ko. Hate na hate ko ang pakiramdam na ito pero swerte ako dahil panandalian lamang like premature ejaculation. Ito ang mga hindi kakaibang paksa na aking ginamit sa pagsusulat. Ang pagkakaiba lamang ay ginawa ko silang obra maestra tulad ng finger painting ng isang Pre- K na bata.

 

1. Amoy ng Pinoy laban sa amoy ng ibang lahi.

 

 

2. Ang ating presidente. Enough said.

 

 

3. Economic Utopia sa Pilipinas. Ito ay ayon kay Kiko Matsing at Dora the Explorer.

 

 

4. Sex…..ng aso, pusa at yung rason kung bakit biglang liko sa motel.

 

 

5. Hirap ng mga OFW sa umpisa.

 

 

6. Patuloy na hirap pa rin ng mga OFW.

 

 

7. Bakit hindi tumatanda si Gretchen B. at bakit hindi ako ginawa ni Lord na kamukha ni Angelina?

 

 

8. College life kung saan ako ay naging model student. (Model for lateness and sarcasm)

 

 

9. Mga kapalpakan ko tulad ng pagkadapain, pagmumura kapag vlogging, wrong grammar dahil nagmamadali sa pananalita.

 

 

10. Racism (racist rin ako- kung ayaw ko, huwag ipilit! Tawagin ba naman kase akong Asian Whore! So ayaw ko rin sila.)

 

 

11. Ang ating presidente…..compared to Bush.

 

 

12. South Park- alam kong female version ako ni Cartman- katawan pa lang, fit na!

 

 

13. Kakaibang methods ng teaching lalo na pag wala kang clue tulad ko.

 

 

14. Kung tinatawanan ko ang mga kaboplakan ko, yun pa kayang bloopers ng iba? Hindi lang tawa, sinasabay ko rin dito ang pagpunas ng uhog tapos …tsismis sa website ko (medyo altered lang ang names, places pero laging the same ang ending)

 

 

15. Pagiging bitch sa mga ungas pero dapat humane sa harap ng humane na askals.

 

Teka, nawalan na ako ng idea so panoorin niyo na lamang itong vlog. Sana ay mainspire o higitan niyo pa ako sa pagsusulat. Magpapahinga muna ako sa araw na ito sapagakat mala- raccoon na ang aking mga mata. Enjoy the Videos and tandaan View, Rank, Comment and Subscribe.

Click niyo rin part 2 and 3

http://www.youtube.com/watch?v=Vi7QCbPPRZE

be my friendster on www.friendster.com/filteany

visit www.karitoon.com and www.pinoycentric.com

 Kung ikaw ay antukin, nais kong malaman na inggit ako sa iyo. Mahirap kapag ang katawan mo ay gusto nang yakapin ang unan at magtalukbong sa ilalim ng kumot. Sa aking kaso, mahirap akong dapuan ng antok sa gabi, inaasar naman tuwing araw. Palibhasa pinanganak ako ng alas – 6 ng gabi, ang utak ko ay gumagana sa kadiliman. Hindi ibig sabihin ay dark thoughts ang laging pumapasok sa aking tuktok, may mala- Rainbow Brite ideas naman. Kung namangha kayo o napa- "anong sinasabi ni filteany sa Insomnia (Part 1) niya?" , panoorin niyo ang sequel na "Insomniac Part 2."

Sana ay makatulog na ako nang parang kambing. Mali, maghilik nang mahimbing.

Enjoy theVideo

http://www.youtube.com/watch?v=Q8fDNDu0phc

Ako si Bunsoy!

Tatlo kaming magkakapatid

Ito ay ayon sa aming Inay at Itay

Pero mas matalino kami

3 x 3 ay equal sa 9

Okey lang, basta walang awayan

Hati hati lamang sa apelido

Ang panganay namin ay si Kuya

Pero siya ang bumili ng una kong lipstick

Idagdag mo pa ang push up bra

Kase ahente siya ng Sara Lee noon

Siya ang aking fashion consultant

Pareho pa kaming taartits

Si Ate ang sumunod sa kanya

Hate na hate ko siya noon

Lagi na lang kaming magkapareho ng damit

Feeling ni Lola ay kambal kami

Nagmukha tuloy kaming mga cute na tiyanak!

Ngayon ay love ko siya, nanay na na kase

Ako naman si Bunsoy

Paborito ng lahat except si Mader

Laging kakampi si Kuya

Laging pinapangaralan ni Ate

Swerte ako kase nauna silang nagtapos

Kaya sweldo nila ay may cut ako

Nang mauna si Kuya sa United Kingdom

Nalungkot ako nang todo

Paano kase, wala na ang aking make- up artist

Tapos naglayas pa ako, panahon na pasaway ako

Si Ate naman papunta rin ng Sunshine State, Florida

Mga nurses so super in demand

Masaya na ako sa maliit kong mundo

May padala monthly mula kay Ate

Tapos si Kuya sagot pa graduate school ko

Swerte ako, sabi nila

Pero iba pa rin pagkasama ang kapatid

Nag- apply tuloy ako papuntang abroad

Ngayon na andito na ako

Magkasama na magkahiwalay

50 states kase ang Amerika

Di bale, andyan naman ang cellphone

Ang importante malapit lang sila

Hindi na malungkot ang Pasko

Ngayon na may filteany.com ako

Alam ko na sobra ang suporta nila sa akin

"Ano naman ang essence ng website mo?"

Hirit ni Kuya, sabay ng crispy na halakhak

"Ang bastos naman ng vocabulary mo!"

Singit naman ni Ate sabay paligo sa aking pamangkin

Okey lang na hindi nila basahin ang aking mga sinusulat

Alright din na hindi sila viewers ng aking Youtube

Alam ko na andyan sila kahit anong mangyari

Ang dugo mas malagkit sa orange juice

May asaran kadalasan at tampuhan paminsan minsan

Sa huli ay mga kapatid ko pa rin

Dito sa aking bagong Youtube Vlog

Makikita niyo kung ano ang tingin ng Kuya ko sa akin

Ako ay forever si Bunsoy, pinapahiyang target

Sana ay maalala niyo ang mga kapatid niyo

Malayo o kahit sa kanto lamang

Sa ngayon ay enjoy the "Fun with Kuya" Video

enjoy! tapos bisitahin niyo rin www.karitoon.com (cool na website ng aking friend)

Insomnia- layuan mo ako!